«دبيّ» اليوم نِلتيه المرادِ
22 أبيات
|
427 مشاهدة
«دبـيّـ» اليـوم نِـلتـيـه المرادِ
ومِــيــسـي بـالمـلابـيـس اليـدادِ
عِــطَــفْــت لْهِـن وفَـكّـيـت الاولاد
عــلى رغــم الأعــادي والحـسـادِ
ولو تـــعـــلم بــحــالة لامْهــات
وحــــزنٍ صـــدّهـــن عـــن كـــل زادِ
وانـا مـن سـجـنـهـم فـي زود هَـمّ
وجــفـنـي مـلّ مـن كـثـر السـهـادِ
بـعـد ذا الجـيـل رَجَّعـْت الجـواب
وبـاعْـزى الشيخ في فَكّ الاولادِ
له القــــدره عـــلى هـــذا وزود
مــتــى مـا سـاعـده ربّ الغـوادي
ومـن له يـا فـتـى الجوده جدود
أســـودٍ ســـيّــدوا حَــضْــرٍ وبــادي
وولد الســبــع مـن ذاتـه يـهـوش
ولا تــلقــاه كــفّــات الليــادي
فـــهـــذا لك مـــخـــلّف يــا ذراي
ولا إنــتــه مــكَـلّف يـا سـنـادي
وكـيـف يـنـالهـا هـذا الهـبـيل؟
وسِــلّمــهــا صـعـيـبٍ فـي الصـعـادِ
فــلا خــيّــبـت مـا تـرجـوه مِـنـك
وفِـعـلك مـا دِرَك مـنـهـا المرادِ
تــحــب انّــك تــكـون لْهـا خـليـل
وتــرويــهــا مــرايــلك الشــدادِ
غِــدت عَــليــاك خــاشِــرْةٍ عــليــك
وانــتــه بــيــن طَـيّـات المـهـادِ
تـرى العـليـا خـصـيـمـه للذليـل
وتــنــخــي للصــمــيـدع بـالودادِ
ونِـعـم الشـبـل لي مـا له وصـيف
يــدافــع دون غــايــة كـل عـادي
عــلى الراحــات بــسّــامٍ بــشــوش
وفــي الشـدات تـخـشـاه العـبـادِ
مــحــمــد مــقــصـدي يـعـله يـدوم
بــخــيــر وصــحــةٍ فــيــهـا سـدادِ
طــويــل البــاع ضــرغــامٍ شـجـاع
وســور الدار عــن كـل الأعـادي
وقــولي مــرحــبــا حــيّ بــقــدوم
رئيـس الجـيـش فـي يـوم الجـهادِ
وتـيـهـي وامـرحـي حـي حـتـى يظل
عــدوّك فــي هــمــوم وفــي نـكـادِ
وصلى الله على الهادي الشفيع
وآل وْصَـــحْـــب مــا نَــسّ البــرادِ
ومــا بَــشّــرْت عــن شـيـخـي وقِـلت
«دبـيّـ» اليـوم نـلتـيـه المرادِ
مشاركات الزوار
0أضف تعليقك أو تحليلك