يا بو خليفة يا زبون المخيفين
13 أبيات
|
942 مشاهدة
يـا بـو خليفة يا زبون المخيفين
يــا حـاكـمٍ حـكـمـه بـعـز وشـجـاعـه
فـضـايـله عـمّتْ عَلَى الزين والشين
شــيــخٍ عــلى بــصـره طـويـلٍ ذراعـه
مـطـلق يـمـيـنـه بالعطا للمساكين
والكـل مِـنْ دوّر عـطـاه انـتـفـاعـه
كـم واحـدٍ مـغـتـث حـاله جـويـعـيـن
مِـنْ فَـضْـل زايـد شبع عقب المجاعه
فـي بـوظـبـي خـسّـر لكـوك ومـلايين
حـق البـنـا والكـهـربـا والزراعه
وتــنــظّــمـت داره بـحـقّ وقـوانـيـن
والنفط زايد ما نقص في اندفاعه
خَـلّي المـجـالس فـاتـحـه للضيافين
والبّـن فـيـهـا مـا وقـف ربع ساعه
شـاعـتْ اخباره في جميع البلادين
حــدّث بــه الرّادو فــي كـلّ اذاعـه
وارخـص سـبيل السعر حقّ الدكاكين
كــم واحــدٍ فـيـهـا تـربّـح مـتـاعـه
والدّار داره وإِحْــنـا مـسـتـعـديـن
والحـكـم حـكـمه يعل فيه الجناعه
يـعـله ذرانـا ظـلنـا فـوقـنـا عين
ونـجـم النصر والعزّ فوق ارتفاعه
بـحـق مِـنْ يـعـبَـد ولا شـافـته عين
ومــحـمـد اللي يـدّعـي بـالشـفـاعـه
شيخٍ ملك داره على العدل والدّين
كــلٍ يــلبّــي له بــســمــعٍ وطــاعــه
مشاركات الزوار
0أضف تعليقك أو تحليلك