لو رحلت يا هوى البيض ما حلت
10 أبيات
|
650 مشاهدة
لو رحـلت يـا هـوى البـيـض مـا حلت
واللي رضـيـت ارضـاك يـبري جروحي
وانـا احـمـد الله لي عـليه تأولت
وبـك اسـتقرت يا العشير الطموحي
وبـك اسـتـقـر عـيـني اللي بها شلت
عـنـي لذيـذ النـوم يـا ريـف روحي
آسـال عـنـك الطـيـف ان عـيـنـه سات
نــفـسـي أبـيـه مـا بـصـدك تـبـوحـي
كـم فـي قـوادم خـافـقـي منك اشعلت
نـار الصـدود وكـم كـوت لي جنوحي
وصـبـرت فـوق الصـبـر مـمـا تـحـمـلت
صـبـر ولو ((ثهلان )) دكه نشوحي
قـسـمـت لك أنـي عـن العـهد ما حلت
مـن ويـن مثلك يا الوفي النصوحي
أعـزف عـلى نـاي الهـوى لي تـعـزلت
واجـدد الذكـرى عـلى انـغام صوحي
واحـــب مـــن حــبــك ديــار تــجــولت
فـيـهـا شـوقـي لك مـن البعد يوحي
واحيي الشجون اللي بها لي تمثلت
شــواظــي مــن حــرهــا زاد فــوحــي
مشاركات الزوار
0أضف تعليقك أو تحليلك